خوش آمدید

 پہلا صفحہ   

بلتستان رقبے کے اعتبار سے ایک وسیع ،عریض خطہ ،دفاعی اور جغرافیائی لحاظ سے نہایت اھم  علاقہ ہے، یہ بر صغیر کا واحد خطہ ارض ہے   جہاں سو فیصد آبادی مسلمان ہیں۔ قطبین کے بعد دنیا کا سب سے بڑا اور وسیع وعریض گلیشیئر سیاچن اس علاقے میں متمکن ہے۔  دنیا کا دوسرے اور تیسرے بلند ترین چوٹیاں k2 اور مشہ بروم یہاں ایستا دہ ہے۔ ستائیس ہزار مربع میل پر پھیلے گلیشیئرز ، ہزاروں فٹ بلند وبالا  فلک بوس چوٹیاں تنگ پر پیچ اور سر سبز وادیاں، گہری کھائیاں، بل کھاتی پر جوش اور پر شور ندیاں، جذبات کی لہروں میں غضبناک دریائیں اس علاقے کی خصوصی شناخت ہیں۔ جنکے درمیان زندگی سرکتی، چلتی، بہتی، لڑھکتی، کھسکتی اور آگے بڑھتی دکھائی دیتی ہے۔ ان آسمان سے باتیں کرتی پہاڑوں کی ناقابل شکست آغوش میں محو خرام بلتستان کا ایک گنجان آباد سر سبزو شاداب ، قدرتی حسن سے مالا مال گاؤں "یوگو"ہے۔

یہاں کے مکین جو دور دراز پہاڑوں، کہساروں، ہری بھری سر سبز و شاداب وادیوں اور عمودی سنگلاخ پہارڑوں کے دامن میں یکسانیت کے ساتھ حیران کن حد تک پر سکون زندگی گزارتی چلی آرہی ہے، دنیا کی سب سے بڑی نعمت سانس کی آمد و رفت وبدیع آب و ہوا یہاں کا انمول خزانہ ہے۔

"یوگو" بلتستان کے مرکز سکردو سے 75 کلو میٹر شمال مشرق کی طرف واقع ہے، ضلع سکردو سے ہمایوں پل عبور کر کے ضلع گانگچھے کا آغاز ہوتا ہے، یہاں سے خپلو سیاچن روڈ پر چلتے جائیں تو کم و بیش 25کلو میٹر کے فاصلے پر "یوگو" پہنچ جاتا ہے۔

اپنی رائے لکھنے کے لئے یہاں کلک کریں